Prófsýningar eru nauðsynlegar...

Allavega í H.Í, er búin að fá sundurliðun á 3 einkunum hjá mér og allar voru þær rangar.. fékk eitt fall og sendi kennaranum beiðni um sundurliðun þá kom í ljós að í raun hefði ég fengið 8 á prófinu..  svo fékk ég hringingu í morgun frá einum kennara sem baðst afsökunar á því að hafa gefið mér vitlaust og ætlaði að laga það sem fyrst. Þannig að það er nauðsynlegt að fara á prófsýningar ég hef hækkað á þeim öllum á þessari önn útaf ''tæknimistökum kennara''. En ég er mjög sátt með einkunnirnar mínar eftir leiðréttingarnar  

                                                                Annars er ég komin suður aftur, bara æðislegt fyrir austan, geðveikt veður og 100 % afslöppun, en það var auðvitað líka gott að koma suður til Lofts aftur

afslöppun á hótel mamma :)

Hvað er betra en að slappa af eftir próf hjá mömmu  Við Loftur keyrðum austur á fimmtudaginn síðasta og höfðum það nice yfir helgina, grill, tertur og fleira góðgæti  Loftur keyrði svo heim á sunnudaginn og ég verð viku lengur. Skrýtið að koma heim eftir prófin og byrja ekki strax að vinna, heldur vera bara í ''heimsókn'' og fara svo aftur suður...

Við Heiða systir erum búnar að bralla ýmislegt, á milli þess sem ég fer í tölvuna spennt að bíða eftir einkunn , er komin með þrjár og er bara mjög sátt  Í dag var svo skemmtun bekknum hennar Heiðu og hún vildi endilega bjóða mér en þar sem aðeins foreldrum var boðið ákvað ég nú að vera heima, þegar skemmunin var að byrja þá hringdi pabbi og sagði að ég mætti endilega koma, Heiða var búin að tala við kennarann og fá leyfi, hehe og ekki nóg með það heldur var hún búin að skrá mig í spurningarkeppni, en í henni unnum við Sigga Þrúða og Unnur Ása, Steinar löggu og tvo aðra pabba  Svo höfðu allir bakað og komið með eitthvað gómsætt með sér, við Jóhanna Smára sáum um að smakka  og vorum mjög sáttar...

En ætla að fara að fá mér göngu eða eitthvað í góða veðrinu, veitir ekki af eftir svona kökuát

prófin búin og sumarið tekið við :)

Jæja þá eru prófin loksins búin og sumarið komið (það kom nú reyndar löngu áður en prófin kláruðust) fólk er byrjað að slá garða og krakkarnir fá að leika sér úti eftir kvöldmat  Þetta verður mitt fyrsta sumar í Reykjavík..

Á morgun ætlum við svo að bruna austur og ég get varla beðið eftir því að hitta Heiðu Elísabetu systir og alla hina  borða mömmu-mat og slappa af, ætla reyndar líka að slappa af í dag, æðislegt veður og við Natalía æskuvinkona mín ætlum að fá okkur göngu með yngri prinsinn hennar  En ég ætla að fara að pakka niður fyrir austur ferð, ganga frá öllum skólabókunum og skoða nýja símann minn

Hún litla systir mín..

Helena ''litla'' systir mín fékk núna í morgun bjartsýnisverðlaun Stulla en það eru verðlaun sem eru veitt á hverju ári í barnaskólanum heima, það er mikill heiður að fá þessi verðlaun og er þetta alltaf mjög skemmtileg og tilfinningaþrungin athöfn. Til hamingju Helena mín

Tekið af heimasíðu Nesskóla: www.nesskoli.is

Í morgun voru bjartsýnisverðlaun Stulla afhent. Verðlaunin að þessu sinni hlaut Helena Kristín Gunnarsdóttir nemandi í 10. EÞK. Helena er vel að þessum verðlaunum komin. Hún er nemandi sem leggur sig alltaf 100% í öll verkefni, hún er mjög hjálpsöm við aðra, er góð fyrirmynd í íþróttum og er m.a. í unglingalandsliðinu í blaki. Foreldrum var að þessu sinni boðið að vera viðstaddir verlaunaafhendinguna, gaman var að sjá að móðir Helenu var viðstödd. Undrunin þegar tilkynnt var um verðalunahafann minnti á Óskarsverðlaunaafhendinguna, eða eins og sagt er stundum: Þetta kom eins og þruma úr heiðskíru lofti. Verðlaunin eru nú afhent í sjöunda sinn en til þeirra var stofnað af heiðurshjónunum og kennurunum Grími Magnússyni og Sybillu Guðmundsdóttur. Verðlaunin eru til minningar um Sturlaug Einar Ásgeirsson sem var hér nemandi en lést úr taugasjúkdómi árið 2001. Stulli eins og hann var alltaf kallaður er einn eftirminnilegasti nemandi skólans, þrátt fyrir erfið veikindi var hann æðrulaus, glaðlyndur og alltaf bjartsýnn.

of langt gengið!

Ég verð að viðurkenna að ég var sammála vörubílstjórunum í byrjun, eldsneyti er of hátt á Íslandi (sá samt þegar við Loftur vorum í Tyrklandi í sumar að bensínverðið þar er svipað og hér)  

En núna er þetta of langt gengið.. Þessi maður sem kasti gróti í lögguna gerði það auðvitað á eigin ábyrgð en auðvitað fá ''vörubílstjórar'' stimpil á sig fyrir þennan verknað. Við Íslendingar erum jú mjög fljót að stimpla heilu hópana..

Of mikið fyrir minn smekk

Lögreglumaður á slysadeild

Aðgengi fatlaðra..

Mikið svakalega vona ég að Kompás þátturinn í gær hafi haft áhrif á einhverja búðareigendur.. ''ekki benda á mig'' það á ekki að vera svo mikið mál að hafa aðgengi fyrir fólk í hjólastól. Amma mín er í hjólastól, hún býr reyndar heima á Neskaupstað en hún hefur dvalið í Reykjavík og eins og flestar konur vill hún fara í búðir og versla  en það er bara ekkert hlaupið að því að komast í margar búðir, Kringlan og Smáralindin eru þó mjög fín. En þá kemur að öðru.. þegar/ef maður kemst á hjólastólnum inn í búðina, kemst maður þá á milli rekka, án þess að fötin endi á gólfinu? Þar sem ég er að skrifa ritgerð í félagsmálalöggjöf um mannréttindi þá fór ég að hugsa í gær á meðan ég horfði á Kompás hvort það séu ekki bara mannréttindabrot að fólk sem noti hjólastóla komist ekki í búðir eins og aðrir, eða til heimilislæknis? Ísland best í heimi (fyrir flesta). Það er alveg ótrúlega margt sem má bæta í málefnum fatlaðra..

En annars var síðasta helgi fin, Loftur var í fríi !! Á laugardaginn fórum við í Smáralindina í fata- og fermingargjafaleiðangur. Á sunnudeginum fórum við svo í fermingu upp í Grímsnes. Svakalega gaman að hitta alla ættingjana sem maður hefur ekki hitt í 10 ár eða svo..  ég var ekki búin að sjá langömmu síðan ég var krakki. Svo var auðvitað gaman að hitta Malla, Sigrúnu og co og alla að austan. Kræsingarnar voru þvílíkar en toppurinn á deginum fyrir Dísu (fermingarbarnið) var þegar hún fékk óvænta fermingargjöf, en þá kom Jónsi fram á sviðið og söng með henni og fyrir hana nokkur lög og sló algjörlega í gegn í veislunni, hann settist svo hjá okkur og svaraði þolinmóður ca 100 spurningum hjá yngstu gestum veislunnar   En náði nú eitthvað að ræða við Sigrúnu systir sína og frænkur sínar  hér kemur svo ein mynd úr veislunni:

Jónsi, Dísa og Hekla Liv

1.apríl

Ég er ekki frá því að fólk sé búið að vera að reyna að gabba mig í allan dag, mig langar rosalega að fara niður á bryggju og fylgjast með öllu fólkinu sem fer að skoða snekkjuna hans Saddam Hussein  Mér finnst svona saklaust grín í góðu lagi , en sumir fara nú yfir strikið..

En annars var helgin fín, fórum á leik með Þrótti- HK á föstudagskvöld og var hann svakalega spennandi, Hk var komin í 2-0 þegar okkar stúlkur tóku sig á og unnu leikinn, en ekki hvað! Fengu svo bikarinn langþráða  Á laugardeginum fór ég svo ein á leikinn þar sem Loftur var að vinna og þróttar stúlkur unnu HK aftur, frábært að fylgjast með þeim. Við erum jú bæði með reynslubolta og svo ungar stelpur, held að það séu bara þrjár sem séu eldri en 20 ára og Jóna Guðlaug er með  þeim eldri

Á laugardagskvöldið fór ég svo með Þrótti á lokahóp Blí og var það bara svaka stuð, lið ársins í 1.deild kvenna voru bara frá Þrótti Nes og ég er ekki viss um að það hafi gerst oft áður, að allt lið ársins komi frá sama félaginu.. Jóna Guðlaug fékk 4 bikara og Bobba 2, Kristín Salín 1 og Erla Rán 1 og svo Abostolov 1  þemað var hattar og höfuðfat og við vorum með kórónur

 

 

 

 

 

 

Sunnudagurinn fór svo í rólegheit þar sem ég var að kafna úr kvefi.

Núna er það svo bara lærdómur og páskaegg, það má þótt páskarnir séu búnir 

Gleðilega páska

Annar í páskum og við erum bara búin að hafa það mjög gott  Tókum forskot á sæluna og keyptum okkur svaka fína macbook fartölvu á miðvikudaginn, þannig að bráðum verður Loftur orðinn tölvunörd ;) Á fimmtudaginn var Loftur að vinna, ég eyddi því deginum með mömmu, pabba og Heiðu Elísabetu en þau komu suður um páskana í fermingu, við fórum í sund og höfðum það huggulegt, þegar ég svo sótti Loft um fimm þá gaf hann mér handgert dökkt páskaegg frá Hafliða Ragnars, hrikalega flott, útskorið með gylltu súkkulaði. Ég opnaði það auðvitað ekki í gær, ætla að eiga það aðeins lengur, enda áttum við 4 egg  eigum þau reyndar enn, aðeins búið að kíkja á innihaldið og málsháttinn ;)

svo erum við jú búin að fara á skauta með öllum systkinum pabba og út að borða með  þeim, búin að gefa öndunum með Heiðu systir, búin að fara í fermingu og borða á okkur gat, skoða nýju tölvuna, borða páskaegg og halda matarboð. En í gær (páskadag) buðum við mömmu, pabba, Helenu og Heiðu í mat. Loftur eldaði svakalega gott nautakjöt, mmm... það alveg bráðnaði upp í manni  ég svo sá um eftirréttinn og gerði franska súkkulaði köku og rjóma - súkkulaði rúllutertu með jarðaberjum.

En ætla að fara að skella mér í sund með famelíunni, veit fátt betra en að skella sér í sjópottinn og gufu í laugardalslauginni

 

Þróttur NES - HK

Það var þvílík spenna á Þróttur NES - Þróttur RVK í blaki í Laugardagshöllinni í dag, Þróttur N vann auðvitað  staðan var 3-2 og fór síðasta hrinan 15-12. Ég var orðin nett stressuð á áhorfendapallinum, held að Helena systir hafi verið ennþá meira stressuð þar sem hún var að keppa þennan leik ;) á morgun verður svo úrslitaleikurinn þar sem Þróttur N mætir HK í laugardalshöll kl: 14:00.

Um síðustu helgi unnu þær Fylki með miklum yfirburðum, við Loftur fórum á föstudagsleikinn og vorum 2 af 3 áhorfendum, en það voru mun fleiri á laugardeginum en þá fór ég ein þar sem Loftur var að vinna.. Helena kom svo og gisti eina nótt, en hún er núna alltaf í Rvk að keppa, man hvað þetta var gaman, MIKIÐ svakalega langar mig í BLAK aftur  

Við hittumst nokkrar stelpur í vikunni, gömlu bekkjarsysturnar, borðuðum kökur, heita rétti og fleira og spjölluðum, bara gaman :) Svo fórum við Loftur á Brúðgumann, kom á óvart, hrikalega góð mynd og vel leikin. Fórum reyndar fyrir myndina á pizza hut í smáralindinni og ekki í fyrsta sinn þar sem við komum ekkert sérlega happy þaðan út, við munum því ekki fara þangað á næstunni

Annars  förum við ekki austur um páskana þar sem mamma, pabbi og Heiða skíðadrottning verða í bænum um páskana, hlakka til að bjóða þeim í mat í fyrsta skipti og ótrúlegt en satt, þá verður Loftur ekki að vinna...

Þar sem það er eeeeendalaus lærdómur hjá mér ákvað ég að elda eitthvað gott í kvöld (þótt ég sé ein heima) og varð lambafille fyrir valinu, jammí. Ætla að læra eins mikið og ég mögulega get fyrir páskana til að fá smá frí með fjölsk. um páskana :) ætla samt að skella mér í sjópottinn og gufu í laugardalslauginni í fyrramálið, veit fátt betra

Styttist í páskana

Tíminn líður svo hratt að það er alltaf stutt í eitthvað spennandi  núna eru það páskarnar sem eru næstir.. þeir sem þekkja mig vita að ég er  nammigrís og fæ mér því eitthvað stórt og flott páskaegg, ég sé nú samt bara um að borða innihaldið og Loftur sjálft eggið ;) í fyrra fékk ég alveg svakalega flott franskt páskaegg frá Lofti en hann var einmitt í Frakklandi á skíðum rétt fyrir páskana.. Mamma, Pabbi og stelpurnar verða svo í bænum um páskana þannig að það verður eflaust brjálað stuð..

Síðustu helgi eyddi ég í 100% afslöppun í firðinum fagra, ahh... hvað það var notalegt að vera heima hjá mömmu,  kaf snjóaði og var ekta ''inni afslöppunarveður''

Næstu helgi og reyndar allar helgar í Mars verður Helena systir að keppa í bænum (keppa í blaki með meistaraflokk) og ég ætla að sjálfsögðu að kíkja á leikina, þær byrja á að keppa við Fylki um helgina, vona að Loftur komist með